கரோனாவை அழிக்கும் மந்த்ர வைத்யம்!

புது டில்லி நிறுவனத்தின் புதிய கண்டுபிடிப்பு!

கரோனாவை அழிக்கும் மந்த்ர வைத்யம்!

வெ நாராயணமூர்த்தி

மந்த்ரத்துக்கு கட்டுப்படும் மஹிமை!

நம் முன்னோர்கள் நமக்கு விட்டுச் சென்றுள்ள காயத்ரி மந்த்ரத்தையும் , மிருத்துஞ்சய மந்த்ரத்தையும் வெறும் ஆன்மிகச் சடங்கு என்று யாரும் இனிமேல் ஒதுக்கித் தள்ளமுடியாது. இந்த மந்த்ரங்களுக்குப் பின்னால் மறைந்துள்ள அரிய மெய்ஞான தத்துவத்தை இப்போது நவீன விஞ்ஞானம் ஏற்றுக்கொண்டு அதை வெளி உலகிற்கு வெளிச்சம் போட்டு காட்டியுள்ளது. அதுமட்டுமல்ல, இந்த மந்த்ரங்களைப் பயன்படுத்தி, உலகையே அதிர வைத்துக்கொண்டிருக்கும் கரோனா வைரசை அழிக்கமுடியும் என்பதையும் புதுடில்லியைச் சேர்ந்த ஒரு ஆராய்ச்சி நிறுவனம் கண்டுபிடித்திருக்கிறது என்ற தகவல் இந்த வைரஸ் தாக்குதலிருந்து மீள புதிய நம்பிக்கையையும் வாய்ப்பையையும் அளித்திருக்கிறது. இந்த ஆராய்ச்சி பற்றிய தகவல்களை பல செய்தி நிறுவனங்கள் வெளியிட்டுள்ளன.

எந்த மருந்தும் இல்லாமல், வேறு எந்த சிகிச்சையும் இல்லாமல், எந்த பக்க விளைவுகளும் இல்லாமல், ஒலி அதிர்வு அலைகளைக் கொண்டே கரோனா வைரசை அழிக்கமுடியும் என்பதை புதுடில்லியைச் சேர்ந்த ‘தி ஹியூமன் எனர்ஜி ஆராய்ச்சி நிறுவனம்’ சமீபத்தில் கண்டுபிடித்துள்ளது.

‘காஸ்மிக் ஒலி தெரப்பி’ என்று அழைக்கப்படும் இந்த முறையில் கரோனோவால் பாதிக்கப்பட்ட நோயாளி காயத்ரி மந்த்ரத்தையும் மிருத்ஞ்சய மந்த்ரத்தையும் ஒரு குறிப்பிட்ட ஒலி அதிர்வு அலைவரிசையில் கேட்கவேண்டும். வேறு எதுவும் செய்யத் தேவையில்லை. இந்த ஒலி அலைவரிசையில் உண்டாகும் நுண் ஆற்றல் கொண்டு கரோனா வைரசை சுற்றியுள்ள புரோட்டின் கூடு அதிர்விக்கப்பட்டு அழிக்கப்படுகிறது. புரோட்டின் கூடு அழிந்தால் வைரசால் உயிர் வாழமுடியாது.

இந்தத் தெரபியைக் கண்டுபிடித்த ஆராய்ச்சியாளர்கள் கடந்த மே மாதம் கரோனாவால் பாதிக்கப்பட்டு, வீட்டில் தனிமைப்படுத்தப்பட்டிருந்த பல தன்னார்வ நோயாளிகளை இந்த பரிசோதனைக்கு உட்படுத்தியுள்ளார்கள். இதில் பல பேர் குணமடைந்து இருப்பதாக நிறுவனம் தெரிவித்துள்ளது.

இந்த தெரபி மிகவும் எளிமையானது. பாதிக்கப்பட்ட நோயாளிகளை சுமார் ஒரு மணி நேரம் காயத்ரி மந்த்ரத்தையும் மிருத்துஞ்சய மந்த்ரத்தையும் ஒரு குறிப்பிட்ட ஒலி அலைவரிசையில் கேட்க வைக்கிறார்கள். ஏழு நிமிடங்கள் கொண்ட ஒரு அமர்வில் இந்த மந்த்ரங்கள் தொடர்ந்து ஒலிக்கின்றன. இது முடிந்ததும் ஒரு ஐந்து நிமிடம் ஓய்வு. இது போல நான்கிலிருந்து ஆறு அமர்வுகளில் கரோனா வலிமை இழந்து அழிந்து விடுகிறது என்ற தகவலை இந்த நிறுவனம் உறுதி செய்துள்ளது. இந்த தெரபியை பயன்படுத்த பல மருத்துவமனைகள் முன் வந்துள்ளதாகவும் தெரிகிறது.

இந்த பரிசோதனை டில்லி அரசின் அனுமதியுடன் நடத்தப்பட்டதாகத் தெரிகிறது. இதன் முடிவுகள் மத்திய அரசின் ஆயுஷ் அமைச்சகத்துக்கு அனுப்பப்பட்டுள்ளன. மத்திய அரசின் அனுமதி கிடைத்தால் இந்த ஆராய்ச்சியின் வெளிப்பாடு பல உயிர்களைக் காக்க பயன்படும் என்று எதிர்பார்க்கப்படுகிறது. இத்தகைய எளிமையான, செலவு குறைந்த, பல வழிகளிலும் உபயோகப்படும் அணுமுறை இதுவரை எங்கும் முயற்சி செய்யப்படவில்லை. இது உலகிலேயே முதல் முறையாகும். அமெரிக்காவில் உள்ள ஒரு ஆராய்ச்சி நிறுவனமும் இதே அணுகுமுறையை வேறு விதமாக பரிசோதித்து வருவதாகவும் தெரிகிறது.      

மந்த்ரங்கள் வெறும் சடங்குகள் அல்ல என்பதை இப்போதாவது நாம் புரிந்துகொள்ளவேண்டும். அவைகளின் முறையான உச்சரிப்புகள், அவைகளின் ஒலி அலைகள் உடலையும் மனதையும் சுத்தப்படுத்தும் அருமருந்து. நச்சுகளை நீக்கி அம்ருதத்தை அளிக்கும் தெய்வீக சக்தி வாய்ந்தவை. நம் முன்னோர்கள் இதை உணர்ந்து அனுபவித்து, ஆரோக்ய வாழ்வியலுக்கான  வழிமுறைகளையும் நம்முடைய நன்மைக்காக சொல்லி விட்டுச் சென்றுள்ளனர். நாம்தான் காலபோக்கில் அவைகளை மறந்து துறந்து விட்டோம்.

இத்தகைய அபூர்வ சக்தி கொண்ட மந்த்ரங்களின் முக்கியத்துவத்தை இன்றைய காலகட்டத்தில் ஒரு வைரசை அழிப்பதற்கு பயன்படுத்த முடியும் என்ற இந்த தகவல் மந்த்ரங்களை பற்றிய புதிய கண்ணோட்டத்தை நவீன விஞ்ஞானம் நம்மிடையே இப்போதாவது உருவாக்கி உள்ளது காலத்தின் கட்டாயம். இது நம் ஆரோக்யத்துக்கு மட்டுமல்லாது ஆன்மிக வளர்ச்சிக்கும் உறுதுணையாக இருக்கும் என்பதில் சந்தேகம் இல்லை.

Spread the love

You may also like...

This site uses Akismet to reduce spam. Learn how your comment data is processed.