கேரளாவில் தென்மேற்கு பருவ மழை தொடக்கம்


புதுதில்லி: கேரளாவில் வழக்கம்போல் ஜூன் 1-ஆம் தேதி முதல் தென்மேற்கு பருவமழை தொடங்கியுள்ளது என்று இந்திய வானிலை ஆய்வு மையம் தெரிவித்துள்ளது.
நாட்டில் தென்மேற்கு பருவ மழை கேரளாவில் தொடங்குவது வழக்கமானது. இந்த பருவமழை காலம் ஜூன் முதல் செப்டம்பர் வரையிலான 3 மாதகாலமாகும்.
நடப்பு ஆண்டில், தென்மேற்கு பருவமழை இயல்பாக இருக்கும், பருவமழையால் 70 சதவீதம் மழைப்பொழிவு இருக்கும் என வானிலை ஆய்வு மையம் தெரிவித்துள்ளது.
இந்த பருவமழையால், நாட்டில் மழையின் அளவு 102 சதவீதமாக இருக்கும். நீண்ட கால மழையளவு 4 சதவீதம் குறைய வாய்ப்பு உள்ளது. வடமேற்கு இந்தியாவில் 107 சதவீதமும், வடகிழக்கு இந்தியாவில் 96 சதவீதமும் மழை இருக்கும் என கணிக்கப்பட்டுள்ளது.
மே 10-ஆம் தேதிக்கு பிறகு, கேரளாவின் மினிக்காய், அமினி திருவனந்தபுரம், புனலூர், கொல்லம், ஆலப்புழா, கோட்டயம், கொச்சி, திருச்சூர், கோழிக்கோடு, தலச்சேரி, கண்ணூர், காசர்கோடு மங்களூரு உள்ளிட்ட 14 மழை கண்காணிப்பு மையங்களில், 3 நாள்களுக்கும் மேலாக 2.5 மி.மீ. மழை பதிவாகியுள்ளது குறிப்பிடத்தக்கது.
அதேபோல் தென்கிழக்கு அரபிக்கடலில் உருவாகியுள்ள காற்றழுத்த தாழ்வுநிலை காரணமாகவும் அங்கு மழை பெய்கிறது.

Spread the love

You may also like...

This site uses Akismet to reduce spam. Learn how your comment data is processed.