பேருந்து போக்குவரத்து: 8 மண்டலங்களாகப் பிரிப்பு


சென்னை: தமிழத்தில் பேருந்து போக்குவரத்து அனுமதிக்கப்பட்டுள்ள இடங்களில் திங்கள்கிழமை முதல் செயல்படுத்துவதற்காக போக்குவரத்து மண்டலங்கள் 8-ஆக பிரிக்கப்பட்டுள்ளது.


இதுகுறித்து முதல்வர் எடப்பாடி கே. பழனிசாமி வெளியிட்டுள்ள செய்திக் குறிப்பில் அறிவிக்கப்பட்டுள்ள மண்டலங்கள் விவரம்:


மண்டலம் 1: கோயம்புத்தூர், நீலகிரி, ஈரோடு, திருப்பூர், கரூர், சேலம், நாமக்கல்.
மண்டலம் 2: தருமபுரி, வேலூர், திருப்பத்தூர், ராணிப்பேட்டை, கிருஷ்ணகிரி.
மண்டலம் 3: விழுப்புரம், திருவண்ணாமலை, கடலூர், கள்ளக்குறிச்சி.
மண்டலம் 4: நாகப்பட்டினம், திருவாரூர், தஞ்சாவூர், திருச்சி, அரியலூர், பெரம்பலூர், புதுக்கோட்டை.
மண்டலம் 5: திண்டுக்கல், மதுரை, தேனி, விருதுநகர், சிவகங்கை, ராமநாதபுரம்.
மண்டலம் 6: தூத்துக்குடி, திருநெல்வேலி, கன்னியாகுமரி, தென்காசி.
மண்டலம் 7: காஞ்சிபுரம், திருவள்ளூர், செங்கல்பட்டு
மண்டலம் 8: சென்னை காவல் எல்லைக்குட்பட்ட பகுதி.
இந்த 8 மண்டலங்களில் 7 மற்றும் 8 ஆகியவை தவிர்த்து பிற மண்டலங்களுக்குள் 50 விழுக்காடு பேருந்துகள் இயக்கப்படும்.
மண்டலம் 7, 8-க்குட்பட்ட பகுதிகளில் பொது போக்குவரத்து பேருந்துகளின் இயக்கத்துக்கு தடை
நீட்டிக்கப்பட்டுள்ளது.
அங்கீகரிக்கப்பட்ட தடங்களில் தனியார் பேருந்துகள் இயங்கலாம். பேருந்துகளின் மொத்த இருக்கைகளில் 60 விழுக்காடு இருக்கைகளில் மட்டுமே பயணிகள் அமர்ந்து பயணிக்க அனுமதிக்கப்பட்டுள்ளது.
ஒரு மண்டலத்துக்குள் பயணிக்கும் பயணிகளுக்கு இ-பாஸ் தேவையில்லை. பொது போக்குவரத்து பேருந்துகளில் பயணிக்கவும் இ-பாஸ் அவசியமில்லை.
மண்டலங்களுக்கு இடையேயும், மாநிலங்களுக்கு இடையேயும் பேருந்து போக்குவரத்து சேவைக்கான தடை தொடர்கிறது.

Spread the love

You may also like...

This site uses Akismet to reduce spam. Learn how your comment data is processed.