புதிய காற்றழுத்தம் புயலாக மாறும்-வானிலை மையம் தகவல்
சென்னை: புதிதாக தென்கிழக்கு வங்கக் கடல் மற்றும் அதை ஒட்டிய அந்தமான் நிகோபார் தீவு பகுதிகளில் வளிமண்டல மேலடுக்கு சுழற்சி ஏற்பட்டு புதிய காற்றழுத்தம் உருவாகிறது. இது புயலாக மாறி வரும் டிசம்பர் 2-ஆம் தேதி கரையைக் கடக்கும் என வானிலை ஆய்வு மையம் தெரிவித்துள்ளது.
தற்போது உருவாகவுள்ள புதிய காற்றழுத்த தாழ்வு மண்டலம் காரணமாக ஞாயிற்றுக்கிழமை மற்றும் திங்கள்கிழமை தெற்கு வங்கக் கடல் மற்றும் அந்தமான் கடலோரப் பகுதிகளில் சூறாவளிக் காற்று வீசும்.
புதிய காற்றழுத்த தாழ்வு மண்டலம் தமிழக கடற்கரை நோக்கி நவம்பர் 30-இல் நகரத் தொடங்கும். இதனால் டிசம்பர் 1 முதல் 3-ஆம் தேதி வரை தமிழகத்தில் கனமழை பெய்யும் வாய்ப்பு உள்ளது. புயலாக மாறும் காற்றழுத்தத் தாழ்வு மண்டலம் டிசம்பர் 2-இல் நாகப்பட்டினம் அருகே கரையைக் கடக்கும் என எச்சரிக்கப்பட்டுள்ளது.
